НАТО: Русија се прегрупира, не веруваме дека се повлекува

Столтенберг посочи дека НАТО има разузнавачки информации дека руските војници не се повлекуваат, туку се прегрупираат, ги надополнуваат резервите и ја зајакнуваат офанзивата во регионот на Донбас

НАТО не верува во најавите на Русија дека ќе ги намали воените операции околу Киев и има информации дека не станува збор за повлекување, туку за прегрупирање, изјави генералниот секретар на Алијансата, Јенс Столтенберг.

„Русите и претходно и повторно нè лажат и ние не веруваме во зборови туку само во дела“,

рече Столтенберг на прес-конференција во Брисел.

Фомин по преговорите во Истанбул: Радикално ќе се намали руската воена активност во Киев и Чернихив за да се зголеми довербата

Тој посочи дека НАТО има разузнавачки информации дека руските војници не се повлекуваат, туку се прегрупираат, ги надополнуваат резервите и ја зајакнуваат офанзивата во регионот на Донбас.

„Истовремено, Русија го продолжува притисокот врз Киев и другите градови и очекуваме нови напади кои ќе донесат уште повеќе страдања“,

рече генералниот секретар на НАТО.