„Иран и Израел треба да постигнат договор, и ќе постигнат договор, исто како што ги натерав Индија и Пакистан да постигнат, користејќи ја трговијата со Соединетите Американски Држави за да внесам разум и кохезија во разговорите со двајцата одлични лидери кои беа во можност брзо да донесат одлука и стоп“, напиша американскиот претседател на неговата социјална мрежа Трут соушл, додавајќи дека во моментов се водат многу разговори и состаноци во врска со ова прашање
Од друга страна, информациите кои стигнуваат од Блискиот Исток, барем во моментов не навестуваат намалување на интензитетот на непријателствата меѓу Тел Авив и Техеран
Наскоро ќе има мир меѓу Израел и Иран, напиша американскиот претседател Доналд Трамп на својата социјална мрежа, додавајќи дека тој ќе биде оној што ќе направи тоа да се случи.
Трамп вели дека двете завојувани страни ќе постигнат договор, исто како што според него претходно ги натерал тоа да го направат Индија и Пакистан, а за време на првиот мандат спречил и долгогодишниот конфликт меѓу Србија и Косово да прерасне во војна.
„Иран и Израел треба да постигнат договор, и ќе постигнат договор, исто како што ги натерав Индија и Пакистан да постигнат, користејќи ја трговијата со Соединетите Американски Држави за да внесам разум и кохезија во разговорите со двајцата одлични лидери кои беа во можност брзо да донесат одлука и стоп. Исто така, за време на мојот прв мандат, Србија и Косово беа жестоки насочени кон тоа, како што правеа со децении, и овој долгогодишен конфликт беше спремен да избувне во ВОЈНА. Јас ги запрев. Има мир, барем засега, благодарение на мојата интервенција, и така ќе остане“,
напиша американскиот претседател на неговата социјална мрежа Трут соушл (Truth Social).
Во однос на актуелниот конфликт меѓу Израел и Иран, Трамп вели дека во моментот се одржуваат многу разговори и состаноци.
„Наскоро ќе имаме мир меѓу Израел и Иран! Сега се одржуваат многу повици и состаноци. Јас правам многу и никогаш не добивам заслуги за ништо, но тоа е во ред, народот разбира“,
вели тој, завршувајќи ја објавата со зборовите „Да го направи Блискиот Исток повторно голем“, алузија на неговата неговата изборна парола „Да ја направиме Америка повторно голема“.
Од друга страна, информациите кои стигнуваат од Блискиот Исток, барем во моментов не навестуваат намалување на интензитетот на непријателствата меѓу Тел Авив и Техеран.
Иран денеска попладне започнаа нов бран ракетни напади врз цели во Израел, објави иранската новинска агенција Фарс.
Пред последните напади, претседателот на Иран Масуд Пезешкијан предупреди дека доколку израелските напади продолжат, Израел треба да очекува пожесток одговор од Техеран, пренесе Би-би-си.
Во Тел Авив и други локации во централен Израел се објавени тревоги, а сирените се огласија и на северот од земјата. Во меѓувреме, израелското Министерство за национална безбедност ги повика граѓаните да останат блиску до засолништата и бункерите. Секое движење на јавни места треба да се сведе на минимум и да се избегнуваат јавни собири. Овие наредби ќе останат во сила додека не се објави ново известување, соопштија израелските власти.
Израелскиот премиер Бенјамин Нетанјаху се огласи од градот Бат Јам кад во иранските напади беа погодени станбени згради.
Нетанјаху рече дека Израел се соочува со „егзистенцијална закана“ и започнал војна за да ја запре иранската агресија.
„Иран ќе плати многу висока цена за намерните убиства на цивили, жени и деца. Ќе ја постигнеме нашата цел и им зададеме силен удар“,
рече тој.
איראן תשלם מחיר יקר מאוד על רצח נשים, ילדים ואזרחים חפים מפשע – וזה יקרה בקרוב.
— Benjamin Netanyahu – בנימין נתניהו (@netanyahu) June 15, 2025
אני כאן בזירה יחד עם כוחות ההצלה ופיקוד העורף. בשם עם ישראל – אנו שולחים חיבוק למשפחות ושוב קוראים לכל אזרח: הישמעו להנחיות – זה מציל חיים.
אנחנו במערכה קיומית, מול אויב אכזרי שמתכנן השמדה.
חיילינו… pic.twitter.com/1FNyBC5a7t
Според израелското Министерство за здравство, бројот на загинати во иранските одмазнички напади на Израел во послендите 24 часа се искачил на 12 лица.