Од Министерството за здравство информираат дека во болницата во Тетово изминатото деноноќие има голем наплив на пациенти и се работи на интензивна реорганизација со цел соодветно згрижување на сите.

Оттаму додаваат дека на лекарите од тетовската болница им се дава соодветна поддршка во делот на кадар и сместувачки капацитети и дека од пред два дена пациенти се сместуваат и во болницата во с. Лешок, а доколку е потребно пациенти ќе бидат сместувани и во други болници во близина или во Скопје.

Од Министерството посочуваат дека утре ќе се донесе одлука дали и колку дополнителен кадар ќе биде распореден во најкус можен рок.

Министерството за здравство размислува и за воведување дополнителни локални мерки, за што ќе биде разговарано утре, и апелира граѓаните да ги почитуваат мерките за лична заштита со цел спречување на понатамошно влошување на состојбата.