Нападот од претседателот е несоодветен, ама тоа е слобода, вели Заев за „кавгата“ меѓу Пендаровски и Филипче

Премиерот рече дека бил запознаен со одговорот на министерот за здравство, по критиката дека сликите од вакцинирањето наши граѓани во Србија се срам од државата

Тоа е слобода, е првиот коментар на премиерот Зоран Заев за вчерашните недоразбирања меѓу претседателот Стево Пендаровски и министерот за здравство Венко Филипче околу набавката на вакцини против ковид-19 и вакцинирањето на наши граѓани во соседна Србија.

Заев го оцени настапот на Пендаровски како несоодветен. Тој рече дека бил информиран за одговорот што го упати Филипче, како член на Владата, откако претседателот, по седницата на Советот за безбедност, изјави дека сликите од вакцинирањето на македонски граѓани во соседството се израз на солидарност на Србија, ама се срам за државата.

Пендаровски: Срам за земјата е граѓани да се вакцинираат во Србија, државата мора да овозможи здравствена заштита тука

„Јас многу го почитувам претседателот Пендаровски, ама нападот од него не е соодветен, со оглед на сите напори што ги правиме за набавка на вакцините. Знам за одговорот на министерот Филипче, секако дека сум упатен кога реагира член на Владата. Но слободата е голема придобивка. Едно време беше незамисливо да има несогласувања меѓу претседател и министер. Еве, сега гледаме дека не може да се согласуваме за сѐ. Здраво е да имаме и несогласувања, ама тоа не значи дека не се почитуваме“,

изјави Заев по денешната средба во Собранието со претставници на Алијанса/Алтернатива.

Филипче му возврати на Пендаровски: Изостана ваша заложба за набавка на вакцини

Заев рече дека секој како поединец има право на избор дали и каде ќе се вакцинира, ама, како што нагласи, тоа не се однесува на организации и на институции. Тој оцени дека можноста наши граѓани да се вакцинираат во соседството е голем пријателски чин на Србија.

Пендаровски до Филипче: Уште во декември јас ги направив првите контакти со фармацевтските компании