Во Лисабон е прогласена тридневна жалост за да се оддаде почит на жртвите и да се изрази сочувство на нивните семејства
Најмалку 15 лица загинаа, а 18 се повредени откако познатиот трамвај „Глорија“ во Лисабон излета од шините, пренесуваат странските агенции. Петмина од повредените се во сериозна состојба, додека 13 се здобиле со полесни повреди.
Несреќата се случила околу 18 часот во близина на авенијата „Либердаде“, една од главните улици во португалската престолнина. Се верува дека 43 лица биле во возилото во тој момент. Сè уште не е познато дали загинатите биле португалски државјани или туристи.
🇵🇹 Three people killed after funicular derailment in Lisbon
— Visegrád 24 (@visegrad24) September 3, 2025
In Lisbon, a Gloria funicular car broke loose from its cable and crashed into a building at high speed killing 3 people and injuring about 20.
The Elevador da Glória is one of Lisbon’s most popular tourist attractions. pic.twitter.com/wJu7bFpyQX
Вкупно 59 спасувачи со 21 возило биле испратени на местото на несреќата, соопшти Цивилната заштита.
Од Јавното транспортно претпријатие „Карис“ од Лисабон за Си-ен-ен Португалија изјавиле дека нивните тимови се на терен и дека „сите ресурси се активирани“ за справување со последиците од несреќата.
„Приоритет е да се следи ситуацијата“,
изјави официјален извор, без да даде детали за можната причина за излетувањето на трамвајот од шините.
Во Лисабон е прогласена тридневна жалост за да се оддаде почит на жртвите и да се изрази сочувство на нивните семејства. Градоначалникот Карлос Моеда изрази длабока тага поради несреќниот настан.
„Ова е трагедија. Лисабон е во жалост, ова е ситуација каква што никогаш порано не се случила во нашиот град“,
рече Моедас.
🚨BREAKING🚨:CABLE SNAP BLAMED FOR LISBON FUNICULAR CRASH ⚠️
— The_Independent (@TheIndeWire) September 3, 2025
A firefighter source tells Observador the Elevador da Glória lost control after a cable came loose, slamming into a building wall. Survivors are being treated as investigators probe the city’s iconic tram disaster. pic.twitter.com/Xpwl3VRbwC
Канцеларијата на португалскиот претседател издаде соопштение во кое изразува „сочувство и солидарност со семејствата погодени од оваа трагедија“.
Потврдено е дека веднаш биле контактирани надлежните служби, вклучувајќи ги полицијата и Јавното обвинителство, и е започната истрага за да се утврдат сите околности.
🚨BREAKING🚨:LISBON FUNICULAR DERAILS 🚋
— The_Independent (@TheIndeWire) September 3, 2025
Close-up footage shows the Elevador da Glória, one of the city’s most iconic trams, after it jumped the tracks in central Lisbon. Emergency services rushed to the scene, with at least 3 fatalities confirmed. pic.twitter.com/zZ3D03PAXi
Португалскиот весник „Обсервадор“ објави дека има сомнежи оти еден кабел на трасата пукнал, поради што трамвајот изгубил контрола и удрил во зграда. Сепак, властите во Лисабон изјавија дека е прерано да се утврди точната причина за несреќата.
#ÚLTIMAHORA ⚠️ Varios heridos en #Lisboa al descarrilar el Ascensor de la Gloria, uno de los funiculares más populares de la capital portuguesa.#Portugal #Lisbon pic.twitter.com/OtM2dOhTDe
— eSPAINews (@eSPAINews_) September 3, 2025
Трамвајот „Глорија“ е еден од најпознатите знаменитости и туристички атракции во Лисабон. Отворен е во 1885 година и е електрифициран три децении подоцна. Жолтите трамваи се клучен елемент од јавниот транспорт во ридестиот Лисабон, а оваа линија, долга 275 метри, го поврзува плоштадот „Рестаурадорес“ со живописниот кварт Баиро Алто за само три минути. Иако ја користи и локалното население, таа е исклучително популарна кај туристите, кои секогаш ги има во голем број во португалската престолнина на крајот од летото.
Последното излетување од шините се случи по сериозен дефект во мај 2018 година, но немаше превртени вагони или жртви. „Глорија“ не работеше еден месец по тој инцидент.