Според локалните власти, претходната вечер спасувачите спасиле околу илјада луѓе
Најмалку 15 лица загинаа како последица од ураганот Милтон што изминатите денови ја погоди американската сојузна држава Флорида, пренесува Си-ен-ен, повикувајќи се на извештаи од локалните власти.
Според локалните власти, претходната вечер спасувачитее спасиле околу илјада луѓе.
Во округот Свети Луси, што за половина час беше погоден од три торнада загинаа шест луѓе.
Крајбрежната стража повторно отвори некои пристаништа во Флорида, како и во Џорџија и Јужна Каролина.
Повеќе од два и пол милиони луѓе останаа без струја.
Според американскиот претседател Џо Бајден, рано е да се зборува за проценките на штетите од ураганот Милтон, како и дека мерките претходно спроведени пред ударот на ураганот придонеле за зачувување на човечки животи.
„Се уште постои опасност, а граѓаните треба да почекаат официјално известување пред да ги напуштат засолништата. За време на претходните урагани, луѓето загинуваа веднаш откако поминуваа ударите, а тие ги напуштаа скривниците“,
рече тој.
Ураганот Милтон е најсилниот ураган во изминатите стотина години што ја погоди Флорида, иако пред да пристигне до бреегот ослабна од катеегорија пет на категорија два.