Медицинскиот персонал се жали на прекумерна работа, бидејќи во болниците има недостиг од медицински работници, додека на пациентите им се наплаќаат големи сметки за болничките услуги
Околу 15 000 медицински сестри кои работат во 16 болници во Минесота и Висконсин, на северот на САД, започнаа тридневен штрајк барајќи подобри услови за работа.
Тоа е најголемиот штрајк на медицински сестри во приватниот сектор досега во земјата, според Здружението на медицински сестри од Минесота, кое е организатор на штрајкот.
Медицинскиот персонал утрово во 7 часот по локално време се собра пред болниците во кои работат. Штрајкот ќе трае до четврток.
Болниците планираат да продолжат да обезбедуваат нега и помош, но со можен прекин на работата.
Медицинскиот персонал се жали на прекумерна работа, бидејќи во болниците има недостиг од медицински работници, додека на пациентите им се наплаќаат големи сметки за болничките услуги.
Тие исто така бараат и зголемување на платите. Болниците нудат зголемување од 10 до 12 отсто, додека медицинските сестри бараат зголемување од 27 до 30 отсто.
Медицинските работници велат дека се уморни од постојаниот ангажман од почетокот на пандемијата на коронавирусот и фрустрирани од профитот на нивните работодавци редовно. Поради тоа повикуваат на штрајкови во САД повеќе од една година.