Шефот на канцеларијата за помош на Обединетите нации, Мартин Грифитс, во своето обраќање пред Советот за безбедност на ОН рече дека магнитудата на големата катастрофа целосно ќе биде позната во наредните денови, пренесува „Гардијан“
Повеќе од 40 000 луѓе се загрозени од поплави од двете страни на реката Днепар по уништувањето на браната „Нова Каховка“, соопштија украинските власти очекувајќи водениот бран од поплавите да го достигне својот врв денеска.
Украинскиот претседател Володимир Зеленски соопшти дека 80 градови и села се соочуваат со опасноста од поплави по уништувањето на браната, за што тој ја убавини Русија, пренесува Би-би-си.
Шефот на канцеларијата за помош на Обединетите нации, Мартин Грифитс, во своето обраќање пред Советот за безбедност на ОН рече дека магнитудата на големата катастрофа целосно ќе биде позната во наредните денови, пренесува Гардијан.
„Но, веќе е јасно дека тоа ќе има тешки и далекусежни последици за илјадници луѓе во јужна Украина од двете страни на линијата на фронтот кои се соочуваат со губење на домови, храна, безбедна вода и средства за живот“,
рече тој.
The damage caused by the Kakhovka dam destruction in #Ukraine means that life will become intolerably harder for those already suffering from the conflict.
— Martin Griffiths (@UNReliefChief) June 6, 2023
Our urgent humanitarian task is to continue to help them to survive, be safe and get a future.
My remarks at the #UNSC:
Со катастрофален ризик од поплави е соочен и градот Херсон од излевањето на водата од реката Днепар, пишува британскиот национален радиодифузен сервис.
Браната „Нова Каховка“ е клучна за регионот на Херсон бидејќи обезбедува вода за земјоделците и жителите, како и за нуклеарната централа „Запорожје“. Таа претставува и витален канал кој носи чиста вода на југ до полуостровот Крим, кој во 2014 година беше анектиран и е под контрола на Русија.
Украинскиот администратор на државните хидроцентрали „Укрхидроенерго“ предупреди дека врвот на излевање на водата од резервоарот што се празни се очекува денеска. По ова, како што се наведува, се очекува период на стабилизација и повлекување на водата во наредните четири до пет дена.
Постои загриженост за нуклеарната централа „Запорожје“ – најголемата во Европа – која користи вода за ладење на реакторите од браната.
Според Меѓународната агенција за атомска енергија (МААЕ), таму ситуацијата во моментов и под контрола и нема непосреден ризик за нуклеарната безбедност на централата.
Јужната команда на украинските сили вчера утро соопшти дека руските сили ја урнале браната „Нова Каховка“ во окупираниот дел на украинската област Херсон. Уништувањето на браната доведе до излевање на водата до 11 метри во областа Нова Каховка и принуди евакуација на речиси илјадници луѓе.
Додека претставници на официјален Киев, но и на САД, Канада и на Европската Унија го осудија уништувањето на браната, а дел од нив за тоа ја обвинија Русија. Официјална Москва, пак, обвини дека станува збор за намерна саботажа извршена од Украина за да се одвлече вниманието од неуспешната контраофанзива против руските сили.
Засега не може со сигурност да се потврди што точно се случило и кој стои зад уништувањето на браната. Ова вчера го кажа и портпаролот на Советот за национална безбедност на Белата куќа, Џон Кирби, кој рече дека Вашингтон со внимание ги разгледува извештаите за тоа што го предизвикало уривањето на браната.
„Работиме со Украинците за да собереме повеќе информации, но не можеме да кажеме дефинитивно што се случило во овој момент. Она што е јасно и што апсолутно можеме да го кажеме е дека штетата за украинскиот народ и за регионот ќе биде значителна“,
изјави Кирби.