Сиднеј е во карантин два месеци, а од овој месец и во Мелбурн и Канбера
Австралиските власти соопштија дека уапсиле повеќе од 250 учесници во демонстрациите денеска против рестриктивните мерки воведени поради коронавирусот.
Протести се одржаа во неколку градови, а најголемиот беше во Мелбурн, каде имаше жестоки судири меѓу полицијата и демонстрантите.
Демонстрантите фрлаа разни предмети кон полицајците, кои возвратија со солзавец.
Судири имаше и на протестите во други градови, а најмалку седум полицајци се повредени.
Многу демонстранти се казнети за кршење на прописите во однос на пандемијата.
Сиднеј е во карантин два месеци, а од овој месец тоа е воведено и во Мелбурн и Канбера.
Поради мерките, луѓето се претежно дома, а воведени се ограничувања за собирање.
Демонстрантите бараат укинување на карантинот, додека властите велат дека се потребни строги мерки за да се спречи ширењето на вирусот и да се спасат животи.
Неколку австралиски градови беа тешко погодени од пандемијата поради ширењето на многу заразната делта варијанта.
VIDEO: The moment when pro-democracy marchers broke through police lines in #Melbourne ?? . pic.twitter.com/D9kF1owP39 #DanielAndrews ?? #carehomes #careworkers #Vaccine #ScottMorrison ?? #Labour ?? #freedom #freiheit #Liberte #Australia #manifestation21aout
— Sam Pye (@freddie1999) August 21, 2021