АМСМ информира дека поради летните одмори интензитетот на сообраќајот на патните правци надвор од градските средини е зголемен. Освен на „Табановце“, на другите гранични премини нема подолги задржувања
Авто-мото сојузот на Македонија (АСМС) информира дека интензитетот на сообраќајот на патните правци надвор од градските средини е зголемен, што се должи на летните одмори што сѐ уште се во тек.
Оттаму велат дека на граничниот премин (ГП) „Табановце“ времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и за излез од државата.
„АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“,
велат од АМСМ.