На граничниот премин Табановце за излез од државата има чекање околу два часа, информира АМСМ. На останатите гранични премини, од македонска страна, нема подолги задржувања за влез и излез од државата.
АМСМ информира и дека регионалниот патен правец кој води преку националниот парк Галичица е нормализиран за секаков вид сообраќај. Тој беше во прекин поради изведување градежни активности.
Утре во прекин ќе биде патниот правец Кичево – Охрид, на делницата Пресека – с. Врбјани, поради изведување градежни работи на пат (минирање). Сообраќајот ќе биде во прекин помеѓу 11:30 ч. – 14:30 ч. во времетраење од 15 – 20 минути.