Според него, денес Калето е лицето на срамот за оние политичари што го користеле како опција да ја задржат власта
Првиот вицепремиер и министер за животна средина и просторно планирање Изет Меџити, кој воедно е и еден од лидерите на ВЛЕН, денеска на својот фејсбук-профил објави дека просторот на Скопското кале ќе биде исчистен и отворен за граѓаните и туристите како споменик на културното наследство. Истовремено, посочи дека на Калето веќе нема да се градат објекти, како и да се користи за политички цели и поделби.
„Обидот за изградба на црква во 2011 година беше спречен од активисти, а оттогаш Скопското кале е запуштено. Сега просторот се чисти и се отвора за граѓаните и туристите како споменик на културното наследство. Владата работи институционално за да избегне меѓуетнички конфликти и да го заштити наследството. Калето е доказ за политизацијата и злоупотребите од минатото. Но, повеќе нема да биде дозволено да се користи за политички цели“,
вели Меџити.
Според него, Скопското кале денес е лицето на срамот за оние политичари што го користеле како опција да ја задржат власта.
„Состојбата во која се наоѓа овој споменик, денес е потсетник дека политичарите од минатото го користеа како трамбулина за некои луѓе да влезат во политиката тајно, а не како сериозна понуда. Калето ќе биде реставрирано во достоинствен простор што ја одразува рамноправноста и мултиетничкиот идентитет на градот“,
кажа тој.
На крајот од заклучи дека на просторот на Калето нема да има политички градби.