Рокот за поднесување листи за кандидати за градоначалници и за советници за локалните избори е до 13 септември
На полноќ завршува рокот за собирање потписи за независни кандидатури за локалните избори, закажани за 19 октомври годинава.
Според податоците на Државната изборна комисија (ДИК), до саботата потписи за градоначалници се собираа во 16 општини за вкупно 22 кандидати, додека за членови на советот потписи се собираа во 11 општини за вкупно 12 листи.
Потписи за градоначалници се собираат во Македонска Каменица (двајца кандидати), Куманово, Дебарца, Охрид, Струга, Дебар, Центар, Демир Капија, Македонски Брод, Кочани, Битола (двајца кандидати), Могила, Новаци (двајца кандидати), Гостивар, Дмир Хисар (четворица кандидати) и за Градот Скопје.
За листа на советници потписи се собираат во Македонски Брод, Кочани, Чешиново Облешево, Битола (две листи за советници). Могила, Свети Николо, Лозово, Карпош, Куманово и Старо Нагоричане.
Рокот за поднесување листи за кандидати за градоначалници и за советници за локалните избори е до 13 септември.
До 11 септември е рокот за увид во Избирачкиот список во сите подрачни канцеларии и одделенија на ДИК.
Во тек е и пријавувањето за набљудување и известување од изборите.