Кривичната пријава против гостиварецот МВР ја поднело до ОЈО Скопје, а по преземени мерки, тој бил повикан на службен разговор во Полициската станица Карпош каде што го признал делото, по што му е поднесена пријава
Дваесет и седумгодишен гостиварец заработи кривична пријава за злоупотреба на лични податоци откако во февруари годинава од лажен профил на Инстаграм објавувал приватни фотографии на девојки од Гостивар кои биле придружени со текст со вулгарна содржина.
„Пријавениот К.Н. на 28.02.2025 креирал лажен профил на социјалната мрежа и од профилот објавил постови со фотографии од шест девојки од Гостивар, кои ги набавил без нивна согласност од нивни приватни профили на социјална мрежа. Исто така, злоупотребените лични податоци од пријавителките биле надополнети со текстови со навредлива содржина упатувајќи им јавни навреди од сексистичка природа“,
наведуваат од Министерството за внатрешни работи.
Кривичната против гостиварецот МВР ја поднело до ОЈО Скопје, а по преземени мерки, тој бил повикан на службен разговор во Полициската станица Карпош каде што го признал делото, по што му е поднесена пријава.