АМСМ информира дека од 6.30 часот на граничниот премин „Блаце“ товарниот сообраќај е пренасочен
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен.
Поради летните одмори се бележи зголемена фреквенција на возила, но на граничните премини од македонска страна нема подолги задржувања за влез и за излез од државата.
АМСМ информира дека од 6.30 часот на граничниот премин „Блаце“, поточно кај бензинската пумпа „Дизел“, товарниот сообраќај е пренасочен.
Од АМСМ препорачуваат приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.