Во текот на денешниот ден, при вршење детална царинска контрола на автобус пријавен за влез во државата, мобилните тимови од Одделението за оперативни работи привремено задржаа 2 773 грама златен накит во вредност од околу 150 илјади евра и автобусот во кој било најдено златото.
„Околу 6 часот на ГП ‘Деве Баир’ за влез во државата се пријавил автобус марка ‘мерецедес 0403’ со македонски регистарски ознаки, управувано од лицето Т.Д. од Турција. При вршење на детална контрола од страна на царински службеници од Одделението за оперативни работи, над задните тркала од подвозјето во модифицирана фабричка шуплина, наменета за шверцување стока, биле пронајдени 20 најлонски кеси со златен накит со вкупна тежина од 2 773 грама, при што вкупната вредност на стоката и автобусот изнесува околу девет милиони денари или 146 341 евро“,
велат од Царината
Стокaта и автобусот се привремено задржани со Потврда за привремено одземени предмети и заедно со лицето се предадени на Одделението за истраги за понатамошна постапка.