На 30 март почнува судењето против Стојанче Јовановски – сопругот на починатата Ивана, кој е обвинет за наведување самоубиство

Скопското обвинителство минатата недела поднесе обвинение против Јовановски за три кривични дела – телесна повреда, односно повреди сторени како продолжено дело на семејно насилство, загрозување на сигурноста и наведување и помагање во самоубиство

На 30 март во Основниот кривичен суд Скопје е закажан почетокот на судењето против Стојанче Јовановски – сопругот на Ивана од Скопје која на 2 март годинава почина по пад од балкон заедно со нивната малолетна ќерка.

Основното јавно обвинителство Скопје минатата недела поднесе обвинение против Јовановски според кое тој се товари за три кривични дела – телесна повреда, односно повреди сторени како продолжено дело на семејно насилство, загрозување на сигурноста и наведување и помагање во самоубиство.

• Мајка и дете пронајдени мртви по пад од балкон во скопско Тафталиџе

Според обезбедените докази на Обвинителството, обвинетиот подолг период нечовечки се однесувал кон својата сопруга која била во фактичка и егзистенцијална зависност и подреденост кон него. Поради таквото однесување, таа на 2 март извршила самоубиство кое, според ОЈО Скопје, може да се припише на небрежност на обвинетиот.

• Поднесено обвинение против Стојанче Јовановски, со своето однесување ја навел на самоубиство Ивана која почина по пад од балкон заедно со ќерка си

На Стојанче Јовановски во моментов му е одредена мерка притвор.