Досега вкупно се аплицирани 1 234 123 дози вакцини, а ревакцинирани се 521 784 граѓани
Вакцинирани се вкупно 712 338 , заклучно со вчерашниот ден, соопшти вечерва Министерството за здравство. Прва доза вакцина вчера примиле 8 530 граѓани, а вкупно се вакцинирале 13 296 граѓани.
Вакцинацијата, како што велат од МЗ, се одвива непречено на сите пуктови низ државата, а во тек е и теренската вакцинација. Досега вкупно се аплицирани 1 234 123 дози вакцини, а ревакцинирани се 521 784 граѓани.
Со последните бројки, 51 процент од населението над 40 години има примено барем една доза вакцина и 26 проценти од населението од 18 до 39 години е вакцинирано со барем една доза вакцина, информира Министерството за здравство.
Граѓаните се вакцинираат без закажан термин во постоечките вакцинални пунктовите низ државата, а децата од 12 до 18 годишна возраст се вакцинираат со согласност од родител.