Седум лица синоќа биле приведени, откако кај нив при контроли во угостителски објекти во Скопје биле пронајдени марихуана и кокаин, соопшти Министерството за внатрешни работи.
Како што информираат од МВР полициски службеници од Единицата за недозволена трговија со дрога и Единицата за интервентна полиција при СВР Скопје синоќа извршиле контроли во повеќе угостителски објекти и прегледи на повеќе лица и патнички возила. Притоа, кај 7 лица од Скопје биле пронајдени марихуана и кокаин.
„Кај В.З.(34) била пронајдена бела прашкаста материја, кај Б.Ј.(28) била пронајдена бела прашкаста материја, кај М.З.(37) била пронајдена бела прашкаста материја и марихуана, кај А.Б.(25) била пронајдена марихуана, кај Н.Ќ.(23) марихуана, кај М.П.(42) кокаин и кај Т.Д.(20) била пронајдена марихуана“,
се вели во полицискиот билтен.
Лицата биле лишени од слобода и по целосно документирање на случаите против нив ќе бидат поднесени соодветни пријави.