Бугарскиот вицепремиер и министер за внатрешни работи Иван Демерџиев потврди дека на граничниот премин „Деве Баир“ има проблем со пропуштањето бугарски државјани
На граничните премини падна системот за контрола и во моментот се работи на негово оспособување, информираат од Министерството за внатрешни работи.
„МВР информира дека системот на граничните премини не се во функција, но екипи работат на негово оспособување. Селективно се пропуштаат само итни случаи“,
се вели во информацијата од МВР.
Бугарскиот вицепремиер и министер за внатрешни работи Иван Демерџиев потврди дека на граничниот премин „Деве Баир“ има проблем со пропуштањето бугарски државјани и додаде дека има листа со бугарски државјани на кои нема да им биде дозволен влез, но, како што посочи, таа листа не е голема.
„Целосна информација во однос на пропуштањето на бугарските државјани на границата и во каков степен тоа одговара на преземените ангажмани од страна на властите во Северна Македонија ќе има кон крајот на денот“,
рече Демерџиев.
Тој планира да ги почека оние Бугари што сакаат да положат цвеќе на гробот на Гоце Делчев, за заедно со нив да може да ја одбележи годишнината од раѓањето на Делчев.