Имајќи предвид дека важноста на возачките дозволи со старото уставно име, согласно промената на законот која беше направена во февруари, e заклучно со 31 декември годинава, Тошковски апелира до граѓаните да го искористат претстојниот период и што побрзо да ја обноват својата возачка дозвола
Министерството за внатрешни работи набавило нова машина за печатење на лични документи со која, како што изјави министерот Панче Тошковски, тројно треба да се зголеми капацитетот и да се забрза издавањето на документите.
„Машината ги печати сите видови картични документи кои ги издава Министерството за внатрешни работи како лични карти, возачки дозволи, картички за привремен престој… Тоа во превод значи нема повеќе турканици какви што гледавме, нема повеќе нарушување на достоинството на граѓаните, туку брзо и навремено издавање документи за секој граѓанин. Целосно сме посветени на креирање на брзи и квалитетни услуги за граѓаните преку унапредување и дигитализација на процесите и услугите. Граѓаните заслужуваат да добиваат брзи и ефикасни услуги од своите институции“,
изјави министерот Тошковски.
Имајќи предвид дека важноста на возачките дозволи со старото уставно име, согласно промената на законот која беше направена во февруари, e заклучно со 31 декември годинава, Тошковски апелираше до граѓаните да го искористат претстојниот период и што побрзо да ја обноват својата возачка дозвола.