Човек качен на автомобил довикуваше навредливи зборови кон поранешни и актуелни државни функционери. Настанот беше документиран и видеото се споделуваше на социјалните мрежи.
Во врска со овој настан, Министерството за внатрешни работи (МВР), информираше дека човекот е приведен.
„МВР ја известува јавноста дека лицето Х.Ј. е приведено и дека против него ќе биде поднесен поднесок по член 4 „карање, викање дрско и непристојно однесување на јавно место“, како и по член 6 „оддавање на пијанство на јавно место или во пијана состојба го нарушува јавниот ред и мир“ и член 13 „омаловажување на државни органи“ од Законот за прекршоци“,
информира полицијата.