Како што информираат од ресорното Министерство, Муцунски во рамките на посетата ќе се сретне со министерот за Европа на Француската Република, Бенџамин Адад, како и со Бертран Бушвалтер, советник за континентална Европа и Турција на францускиот претседател Емануел Макрон
Министерот за надворешни работи и надворешна трговија, Тимчо Муцунски, денеска ќе престојува во работна посета на Париз, соопштија од Министерството.
Како што информираат оттаму, Муцунски во рамките на посетата ќе се сретне со министерот за Европа на Француската Република, Бенџамин Адад, како и со Бертран Бушвалтер, советник за континентална Европа и Турција на францускиот претседател Емануел Макрон.
„Во фокусот на разговорите ќе бидат натамошното унапредување на билатералните односи, реафирмирањето на француската поддршка за евроинтегративниот процес на нашата држава, како и размена на мислења за актуелни регионални, европски и глобални прашања“,
се наведува во соопштението од Министерството за надворешни работи и надворешна трговија.
Оттаму додаваат дека во рамките на посетата е предвидена и средба со директорот на Националниот институт за јавни служби на Франција (INSP), Жером Филипни. Притоа, велат од Министерството, ќе биде потпишана декларација за намери помеѓу Министерството за надворешни работи и надворешна трговија на Република Северна Македонија и Националниот институт за јавни служби на Француската Република.