„Муцунски уште еднаш ја потврди заложбата на ВМРО-ДПМНЕ за итни и темелни реформи во правосудниот систем, но и забрзан економски развој кои ќе бидат одговор на високото ниво на криминал и корупција и тешката економска состојба во државата“, соопштија од опозициската партија
Потпретседателот на ВМРО-ДПМНЕ и градоначалник на Општина Аеродром, Тимчо Муцунски, оствари средба со високи претставници на Стејт департментот за време на својата работна посета на Соединетите Американски Држави, информираа преку писмено соопштение од опозициската партија.
На средбата која Муцунски ја остварил со директорот на Директоратот за Јужна и Централна Европа, Стивен Џи, и офицерот кој е одговорен за Македонија, Бенсон Сивек, биле потврдени одличните билатерални односи помеѓу нашата држава и САД кои, како што заклучиле, неопходно е да продолжат да се надградуваат и во иднина во духот на стратегиското партнерство помеѓу двете земји.
„Муцунски уште еднаш ја потврди заложбата на ВМРО-ДПМНЕ за итни и темелни реформи во правосудниот систем, но и забрзан економски развој кои ќе бидат одговор на високото ниво на криминал и корупција и тешката економска состојба во државата“,
соопштија од опозициската партија.
Од ВМРО-ДПМНЕ додаваат дека во следните неколку дена во рамки на посетата на САД, Муцунски ќе оствари средби со членови на Конгресот, високи претставници на меѓународните организации и ќе присуствува на Националниот молитвен појадок кој ќе се одржи утре во Вашингтон.