Овој процес меѓу двете цркви, како што се додава во соопштението од кабинетот на поглаварот на МПЦ-ОА, г.г.Стефан, беше заокружен вчера во Белград, како меѓусебно решение со издавањето официјален документ, како своевидна препорака со која нашата света црква се претставува како подготвена и достојна за автокефалност
Од кабинетот известуваат дека во наредниот период, при официјалната посета на МПЦ-ОА на Фанар за Педесетница, Вселенската патријаршија ќе биде известена за решението на СПЦ
Откако вчера Српската православна црква (СПЦ) на Македонската православна црква-Охридска архиепископија (МПЦ-ОА) ѝ го додели официјалниот документ кој е чекор до признавањето на автокефалноста на МПЦ-ОА, денеска оттаму преку соопштение изразија благодарност до СПЦ поради заокружување на процесот на помирување со издавањето на документот кој, како што наведуваат, е своевидна препорака со која МПЦ се претставува како подготвена и достојна за автокефалност.
„Македонската православна црква – Охридска архиепископија Му благодари на Милостивиот Бог, а воедно и на сестринската Српска православна црква (СПЦ) за снисходливоста и покажаната љубов за помирување и за навремено и брзо решавање на меѓусебниот однос и административните аспекти, што произлезе како насока од страна на Великата Христова Црква во Константинопол и со актот за враќање во канонско единство на Охридската архиепископија и со сите досегашни напори“,
се наведува во соопштението објавено од Кабинетот на Архиепископот охридски и македонски г.г. Стефан.
Овој процес меѓу двете цркви, како што се додава во соопштението, беше заокружен вчера во Белград, како меѓусебно решение со издавањето на официјален документ, како своевидна препорака со која нашата света Црква се претставува како подготвена и достојна за автокефалност,
Од Кабинетот известуваат дека во наредниот период, при официјалната посета на МПЦ-ОА на Фанар за Педесетница, Вселенската патријаршија ќе биде известена за решението на СПЦ.
„Известуваме дека во наредниот период при официјалната посета на Фанар за Педесетница, што со голема радост ја очекуваме и кога ќе биде официјализирано нашето прифаќање во сеправославното литургиско и канонско единство, претстои да биде известена Вселенската патријаршија за решението на СПЦ за да бидат затворени сите управни прашања меѓу двете Цркви“,
се додава во соопштението.
Од Кабинетот на поглаварот г.г.Стефан, воедно изразуваат надеж оти во блиска иднина ќе се пристапи кон финализирање на црковното прашање на МПЦ-ОА со издавање на општопризнат томос од страна на вселенскиот патријарх, г.г.Вартоломеј, согласно неговите законски и историски принадлежности.
Вчера, поглаварот на Српската православна црква, патријархот Порфириј во Соборниот храм во Белград му го врачи официјалниот документ на архиепископот охридски и македонски Стефан за признавање на автокефалноста на Охридска архиепископија, со што МПЦ-ОА е блиску до официјална автокефалност.
Потегот на Српската православна црква доаѓа по одржувањето на двете големи заеднички литургии на СПЦ и МПЦ-ОА, првата во Белград, а втората во Скопје, по што српскиот патријарх Порфириј објави дека СПЦ ја признава автокефалноста на МПЦ-ОА.