Железничка станица е надвор од функција, а на аеродромите во Москва се воведени ограничувања за летови
Најмалку едно лице загина, а тројца се повредени во синоќешниот напад со беспилотни летала врз рускиот главен град, соопштија руските локалните власти, а пренесува Би-би-си.
Според Ројтерс, се смета дека ова е најголемиот напад со украински беспилотни летала врз руската престолнина од почетокот на војната.
Регионалниот гувернер Андреј Воробјев вели дека жртвите се од градовите Видноје и Домодедово, кои се наоѓаат во близина на Москва, како и дека се оштетени и станови во станбена зграда.
Градоначалникот на Москва Сергеј Собјанин изјави дека се соборени 73 дрона кои се упатиле кон градот.
Железничка станица е надвор од функција, а на аеродромите во Москва се воведени ограничувања за летови.
Руското Министерство за одбрана соопшти дека во текот на ноќта 337 украински беспилотни летала биле пресретнати или уништени во Москва и во девет други руски региони.
Украинските власти не го коментираат овој напад.
Во текот на ноќта, пријавени сее напади со руски беспилотни летала врз главниот град Киев и неколку други региони.
За потсетување, за неколку часа во Саудиска Арабија треба да се сретнат претставници на САД и Украина.