Помали групи на ученици од неколку училишта во државата не ја посетуваат наставата организирана со физичко
присуство, односно не се вклучени во онлајн-наставата, велат од Министерството за образование по повиците за бојкот од страна на родители организирани на социјалните мрежи.
Апелираме до нив и до нивните семејства, да ја променат таквата одлука и заедно со сите други ученици да се вратат на часовите и на процесот на стекнување знаења, што впрочем треба да биде нивен приоритет и единствена грижа. Секое неоправдано отсуство предизвикува импликации во педагошката евиденција која ја водат наставниците за образованието и поведението на учениците, а воедно потоа тоа отсуство треба да се надоместува преку организирање на дополнителна настава“,
соопштија од МОН.
Промените во основното образование се целосно во интерес на учениците и унапредување на образованието, а реформите се исто така и на барање на наставниците, додаваат од министерството, потенцирајќи дека новиот закон со кој се воведува можноста за користење дигитални учебници од четврто одделение, не смее да биде причина за бојкот.
Денеска на фејбук-групата „Учебници и настава мора да има“ повеќе родители на ученици од основно и средно образование објавија дека ќе ја бојкотираат наставата, а организаторите, кои минатата недела доставија барање до МОН за повлекување на законот, најавија протести ако не се исполнат нивните барања.