Пред неколку дека и „Фајзер“ и „Бионтек“ почнаа клинички испитувања на новата верзија на нивната вакцина против ковид-19, која е конкретно против варијантата омикрон
Американската компанија „Модерна“ синоќа објави дека започнала клинички испитувања на засилувачка доза на вакцина дизајнирана специјално за борба против варијантата омикрон на коронавирусот.
Во истражувањето учествуваат вкупно 600 возрасни лица, од кои повеќето примиле две дози од вакцината „Модерна“ пред шест месеци. Но, има и такви ревакцинирани пред три месеци. Така, новата вакцина ќе се тестира и како трета и како четврта доза.
Компанијата, исто така, ги објави резултатите од ефикасноста против омикрон на засилувачката вакцина што се користеше досега. Шест месеци по ревакцинацијата, нивоата на неутрализирачки антитела против омикрон се намалиле шестпати од врвот забележан 29 дена по инјектирањето, но сепак биле присутни кај сите имунизирани пациенти. Тие податоци се добиени од тест на крвта на 20 луѓе кои примиле засилувачка доза.
На 25 јануари и компанијата „Фајзер“ и нејзиниот германски партнер „Бионтек“ почнаа клинички испитувања на новата верзија на нивната вакцина против ковид-19, која е конкретно насочена за борба со варијантата омикрон.