Според последните информации од дипломатско-конзуларните претставништва на Северна Македонија во Грција, засега нема пријавен ниту еден граѓанин кој се наоѓа во загрозените подрачја, ниту е побарана асистенција за евакуација од пожарите, соопшти МНР.
„Амбасадата на Република Северна Македонија во Атина и Генералниот конзулат во Солун се во постојана комуникација со надлежните институции на Грција. Илјадници туристи во островот Родос се на безбедно место, но засега не може да се потврди државјанството на евакуираните лица“,
велат од МНР.
Министерството за надворешни работи упатува апел да се избегнува туристичко или какво било друго патување во загрозените подрачја.
„Министерството за надворешни работи на Грција од денес во 17.00 часот ќе постави „Help Desk“ на меѓународниот аеродром во Родос за да ја олесни соработката со странските амбасади и навременото заминување на туристите кои ги изгубиле личните документи“,
додаваат од МНР.