Оттаму информираат дека во рамките на Министерството е формиран кризен штаб кој континуирано ја следи состојбата и ќе ја информира јавноста за сите новини навремено
Сите македонски државјани кои се наоѓаат на територијата на Израел и Иран да ги следат националните портали за итни случаи и строго да постапуваат согласно упатствата на надлежните институции, апелираат од Министерството за надворешни работи и надворешна трговија на земјава по влошувањето на безбедносната состојба на Блискиот Исток со денешниот напад на Израел врз Иран.
Од Министерството истовремено апелираат сите наши државјани да се воздржат од какви било патувања кон земјите од овој регион, до подобрување на безбедносната состојба.
Оттаму информираат дека во рамките на Министерството е формиран кризен штаб кој континуирано ја следи состојбата и ќе ја информира јавноста за сите новини навремено.
„Согласно добиените информации од Амбасадата на Република Северна Македонија во Тел Авив, во моментов воздушниот простор над Израел и Иран е затворен, како и аеродромите во Тел Авив и во Техеран, без конкретна најава за обновување на редовниот воздушен сообраќај“,
се наведува во соопштението на Министерството.
Оттаму потсетуваат дека при евентуална потреба од помош нашите државјани можат да се обратат на следните контакти:
- Амбасада на Република Северна Македонија во Тел Авив, тел: +972 54 500 8566 / +972 54 967 0546; е-пошта: [email protected]
- Министерство за надворешни работи и надворешна трговија, тел: +389 75 273 732 / +389 75 268 736; е-пошта: [email protected]