На телото на момчето немало траги на насилство
Младо момче од Северна Македонија вчера попладне околу 18 часот се удавило на плажата „Утјеха“ во Црна Гора, јавува црногорскиот портал „приморски.ме“.
Порталот пишува дека станува збор за 22-годишно момче кое вчера пристигнало во заливот помеѓу Бар и Улцињ каде требало да работи.
На телото на момчето немало траги на насилство, а причината за смртта ќе се утврдува дополнително. Обвинител, јавува порталот, наредил и обдукција.