Денеска ќе се одржи редовна владина седница на „Илинденска“ бр. 2, на која ќе бидат разгледани неколку информации предложени од Агенцијата за млади и спорт
Неколку информации за проекти за унапредување на младинските политики се на дневен ред на денешната владина седница, како што соопштија од „Илинденска“.
Министрите денеска ќе ја разгледуваат информацијата за проектот „Дигитализирање на европската младинска картичка“, информацијата за степенот на реализација на Законот за младинско учество и младински политики, како и информацијата за формирање Совет за млади и спорт, предложени од Агенцијата за млади и спорт.
Владата ќе ја разгледа и информацијата на Министерството за труд и социјална политика за исплата на пензии за јуни 2021 година, поднесена од Министерството за труд и социјална политика.