Сериозните скандали го рушат кредибилитетот на земјата и ја подриваат правната држава – рекол претседателот на ВМРО-ДПМНЕ Христијан Мицкоски на средбата со еврокомесарот Јоханес Хан. Како што соопштуваат од партијата, Мицкоски и на Хан му посочил дека услов за нова лидерска средба и дијалог со власта е датум за превремени парламентарни избори. Се пожалил и дека нема волја за справување со корупцијата.
„Претседателот на ВМРО-ДПМНЕ истакна дека немањето на волја за справување со корупцијата и сомнежите за криминал се гледа и во предлог законот на премиерот Заев за организирање на обвинителството каде наместо непристрасна борба против корупцијата се нудат решенија кои ќе бидат алатка за политички притисоци и заштита на криминалот. Мицкоски ги истакна забелешките на предлог законот за обвинителство посочувајќи дека ниту еден криминал не смее да остане имун на правдата и дека на тој план не се потребни компромиси“,
се вели во соопштението на ВМРО-ДПМНЕ.