Мицкоски со селфи од Будимпешта му ја честита победата на Орбан

Паралелно, тој ѝ ја честита победата и на сестринската партија СНС на Александар Вучиќ во Србија, каде што се одржаа претседателски, парламентарни и локални избори во десетина општини

Лидерот на ВМРО-ДПМНЕ, Христијан Мицкоски, доцна синоќа со селфи со унгарскиот премиер Виктор Орбан му ја честиташе победата на парламентарните избори во Унгарија што се одржаа вчера.

Паралелно, тој ѝ ја честита победата и на сестринската партија Српска напредна странка (СНС) на Александар Вучиќ во Србија, каде што се одржаа претседателски, парламентарни и локални избори во десетина општини.

„Голема победа за Виктор Орбан. Со среќа и успех нека е петтиот премиерски мандат, четврти по ред. Честитки и за убедливата победа на нашата сестринска партија СНС во Србија. Голема победа за претседателот на Србија, Александар Вучиќ. Македонија има пријатели!“,

напиша Мицкоски во честитката.

Објавени првичните резултати од изборите во Унгарија: Партијата Фидес на Виктор Орбан со убедлива предност

Вучиќ прогласи победа на изборите во Србија: Успеав да направам нешто што никому не му успеало

Мицкоски заедно со партискиот потпретседател Александар Николоски претходно во текот на вчерашниот ден објави дека се наоѓа во Будимпешта во штабот на сестринската партија на Фидес, предводена од Орбан, за да ги следат резултатите.

Мицкоски и Николоски во седиштето на Фидес на Виктор Орбан ги чекаат резултатите од изборите во Унгарија