Која е причината? Зошто тоа да го направиме? Еве нека ми објасни некој. Ако нечии права се загрозени или ускратени не сме ние политичарите, не сум јас тој што суди, ниту Радев, ниту кој било политичар. Има институција, таа се вика Европски суд за човекови права. А таа има донесено 14 пресуди за македонската заедница во Бугарија чии што права очигледно или се ограничени или ги нема а ниту една таква нема за бугарската заедница во нашата земја“, истакна Мицкоски во интервјуто за ТВ Сител
Секоја земја-членка на Советот на Европа е обврзана со Конвенцијата да ги спроведува пресудите на Судот, но Бугарија тоа до сега го нема сторено. Ставот на официјална Софија е дека врз основа на нивниот устав, Бугарија не доделува колективни права во овој поглед, туку само индивидуални.
Премиерот Мицкоски вели дека македонските власти не може да прифатат ултиматум со кој се бара внесување на бугарската заедница во македонскиот устав а од друга страна Бугарија да не ги почитува пресудите кои што ги има донесено Европскиот суд за човекови права, а се однесуваат на правата на македонското малцинство во оваа држава да регистрира свое здружение.
„Ние сме подготвени да го решаваме прашањето со Бугарија, но не под овие услови, затоа што тоа не е добро и тоа не го прифаќаат македонските граѓани. Тие се суверен во оваа држава и 75 насто од нив велат дека таа работа е неприфатлива. И точка. Подготвени сме да разговараме, имаме подготвено свој став и не можам да го прифатам ставот за промена на Уставот за внесување на неколку стотина наши сограѓани кои што за себе велат дека се дел од бугарската заедница, овде, кај нас. Која е причината? Зошто тоа да го направиме? Еве нека ми објасни некој. Ако нечии права се загрозени или ускратени не сме ние политичарите, не сум јас тој што суди. Ниту Вие (новинарот н.з), ниту Радев, ниту кој било политичар. Има институција, таа се вика Европски суд за човекови права. А таа има донесено 14 пресуди за македонската заедница во Бугарија чии што права очигледно или се ограничени или ги нема а ниту една таква нема за бугарската заедница во нашата земја“,
истакна Мицкоски во интервјуто за ТВ Сител.
На забелешката од новинарот кој го водеше интервјуто дека тоа е прашање кое не ја засега Бугарија бидејќи тоа не услов за нејзино членство во некоја институција, додека Македонија има обврска да ја исполни преземената обврска, Мицкоски беше дециден дека тоа што на Македонија и е наметнат таков услов не значи дека треба да „го прифатиме и да се обезличиме“.
„Утре може ќе се случи друг услов да има. Ќе ви речат дека не било Илинденското востание македонски туку било Преображенско и бугарско или нема Европска Унија. И треба ли тоа да го прифатиме?“,
праша премиерот Мицкоски.
Во интервјуто за ТВ Сител претседателот на Владата нагласи дека нема услови за отворање на разговори со актуелната бугарска влада за откочување на евроинтегративниот процес бидејќи таа само технички ја извршува функцијата.
„Јас сум подотвен да дебатирам, да разговарам, моите аргументи да ги презентирам, да ги слушнам нивните, но со актуелната влада не верувам, бидејќи сепак ова е техничка влада“,
рече Мицкоски.
ШТО И НАЛОЖУВААТ ПРЕСУДИТЕ НА ЕВРОПСКИОТ СУД ЗА ЧОВЕКОВИ ПРАВА НА БУГАРИЈА
Актуелната влада, како и претходните постојано алармира за пресудите со кои Бугарија ги ограничува правата на организирање на припадниците на македонската етничка заедница која живее во оваа држава. Европскиот суд за човекови права во 14 пресуди констатира дека Бугарија направила повреди на членот 11 на Европската конвенција за човекови права, со кој е гарантирана слободата на собирање и здружување. Во најголем дел тие се однесуваат на неможноста на македонското малцинство во Бугарија да го регистрира своето здружение ОМО Илинден.
Секоја земја-членка на Советот на Европа е обврзана со Конвенцијата да ги спроведува пресудите на Судот, но Бугарија тоа до сега го нема сторено.
Ставот на официјална Софија е дека врз основа на нивниот устав, Бугарија не доделува колективни права во овој поглед, туку само индивидуални.
Екс-министерот за правда Кренар Лога, минатата година испрати писмо до меѓународната заедница во кое ги информира дека Бугарија не ги спроведува пресудите на Судот за човекови права во Стразбур. Покрај дописот тој ги испрати и 14-те пресуди изразувајќи очекување да бидат спроведени во Бугарија, со укажување дека почитувањето на меѓународни документи е исклучително важен сегмент за кој особено земјите членки на ЕУ, но и земјите кои претендираат да добијат членство во ЕУ е неопходно да се залагаат.
Бугарија е меѓу државите кои се најосудувани пред Европскиот суд за човекови права во Стразбур.