„Убеден сум дека во периодот што следи, бројот на патниците, но и бројот на компаните што ги користат услугите на овој аеродром ќе се зголемува. Убеден сум дека во периодот што претстои, со сите градежни активности и поддршката што ја даваме како Влада, овие бројќи ќе се дуплираат, ќе се триплираат и ќе дојдеме до бројки што претставуваат наш нов таргет“, вели премиерот
Вицепремиерот и министер за транспорт, Александар Николоски посочи дека на аеродромот има прекрасни мозаици кои се реплика на тие што се наоѓаат низ стариот град на Охрид, низ Варош, но главно се наоѓаат кај Плаошник, како и една реплика на фреските од катедралната црква „Света Софија“. Со тоа, според него, овој аеродром е и еден мал музеј што го претставува регионот
Охридскиот аеродром „Свети Апостол Павле“ годинава бележи рекордни резултати. Во еден ден биле регистрирани повеќе од 3 000 патници, што е најголем број во историјата на аеродромот, а во друг ден имало повеќе од 20 полетувања. Ова денеска го истакна премиерот Христијан Мицкоски на пуштањето во употреба на модернизираниот дел од аеродромот „Свети Апостол Павле“ во Охрид, додавајќи дека со тоа значително се подобрува квалитетот на услугите.
Модернизацијата на овој аеродором е направена со инвестиција од 2,7 милиони евра, со што е реконструиран патничкиот терминал, зголемен е бројот на шалтери, проширени се чек-ин просторите, зоните за безбедносна контрола и рачен багаж, направена е реорганизација на паркингот и набавена е современа опрема и технологија за побезбедно и поефикансо опслужување на патниците.
„Со ова охридскиот аеродором добива поинаква динамика, поинакво светло и поинаков квалитет. Убеден сум дека во периодот што следи, бројот на патниците, но и бројот на компаните што ги користат услугите на овој аеродром ќе се зголемува“,
вели премиерот.
Посочи на рекордните резултати што годинава се забележани на охридскиот аеродором, како тие кога во еден ден се регистрирани повеќе од 3 000 патници, а во друг ден имало повеќе од 20 полетувања.
„Ова се податоци за почит. Убеден сум дека во периодот што претстои, со сите градежни активности и поддршката што ја даваме како Влада, овие бројќи ќе се дуплираат, ќе се триплираат и ќе дојдеме до бројки што претставуваат наш нов таргет“,
додаде Мицкоски.
Вицепремиерот и министер за транспорт Александар Николоски посочи дека денеска се отвора практично нов аеродором, со терминална зграда и со помошни простории, кои ќе значат подобро искуство за патниците споредено со претходно.
Посочи на симболиката што ја има реконструкцијата на аеродромот.
„Има прекрасни мозаици кои се реплика мозаиците што се наоѓаат низ стариот град на Охрид, низ Варош, но главно се наоѓаат кај Плаошник и се прекрасно реставрирани. Имаме и една реплика на фреските од катедралната црква ‘Света Софија‘. Така што, овој аеродром е и еден мал музеј што го претставува регионот“,
вели вицепремиерот и министер за транспорт.
Последните поголеми инвестиции на овој аеродорм, додаде дека се направени во 1970 година.
„Охридскиот аеродром само од јануари до јуни годинава има над 240 000 патници, а двата аеродроми заедно ќе се приближат до четири милиони. Ова беше незамисливо за нашите аеродорми. Ќе продолжиме да растеме“,
кажа Николоски.
Според Серкан Каптан, извршен директор на „ТАВ Македонија“, проектот е реализиран без прекин на тековното работење на охридскиот аеродром.
Досега, како што посочи во македонските аеродорми инвестирале речиси 300 милиони евра.
„Ја зголемивме поврзаноста и годишниот сообраќај за четири пати. Во 2026 година, македонските аеродорми се меѓу најбрзорастечките во Европа. Постогнавме раст од речиси 30 отсто во споредба со претходната година. Охридскиот аеродорм, пак, го забележа најуспешниот јули во својата историја, поставувајќи нови рекорди и во бројот на патници и во бројот на реализирани летови“,
вели тој.
