Лидерот на ВМРО-ДПМНЕ од предизборниот собир ја обвини власта дека наместо да обезбеди напредок, државата тоне
Овие избори се локални, но со едно посуштинско и подлабоко значење, бидејќи од вашиот избор, од вашата одлука зад параванот зависи колку сакате да се променат работите, порача вечерва претседателот на ВМРО-ДПМНЕ Христијан Мицкоски на митингот во општина Босилово, каде го промовираше кандидатот за градоначалник Ристо Манчев.
Според него, доколку Зоран Заев ја води државата, шансите за поместување кон позитивно се еднакви на нула, додавајќи дека со него е тоа дека државата тоне и не создава иднина.
Тој направи споредба со потегот на австрискиот канцелар Себастијан Курц кој поради сомнеж дека владини институции плаќале анкети на кои се фаворизирала власта се лажело, си поднесе оставка, па рече дека во Македонија „изгореа 14 живи луѓе во тетовската модуларна болница, а одговорен беше единствено кабел“.
„Како за пример како постапува одговорен политичар пред својот народ ќе го наведам австрискиот канцелар Себастијан Курц си поднесе оставка затоа што постојат сомневања дека владини институции плаќале анкети со кои се фаворизирала власта, а се лажел. Курц покажа висок степен на морална одговорност и верба во принципи. Кај нас 14 луѓе живи гореа во модуларната болница во Тетово, и немаме ниту еден виновен“,
рече Мицкоски.
Вечерва ВМРО-ДПМНЕ беше и во Ново Село каде го промовраа кандидатот за градоначалник Ѓоре Божинов