Премиерот Мицкоски од денеска до 22 февруари ќе престојува во главниот град на САД, каде што ќе присуствува на годишната Конференција за конзервативна политичка акција
Премиерот Христијан Мицкоски денеска во Вашингтон се сретнал со Александар Касаноф, заменик-помошник секретар на САД за Западен Балкан, како и за печат и јавна дипломатија во Бирото за европски и евроазиски прашања на Стејт департментот.
„Разговаравме за состојбата во државата, европските интеграции и препреките со кои се соочува земјава на тој план. Имаме идеја, имаме план, Македонија има пријатели!“,
напиша Мицкоски на својот профил на социјалната мрежа Икс.
Остварив средба со Александар Касаноф кој е заменик помошник секретар за Западен Балкан, како и за печат и јавна дипломатија во Бирото за европски и евроазиски прашања на Стејт департментот.
— Христијан Мицкоски (@MickoskiHM) February 19, 2025
Разговаравме за состојбата во државата, европските интеграции и препреките со кои се… pic.twitter.com/Tj7QpPk6lO
Премиерот Мицкоски од денеска до 22 февруари ќе престојува во главниот град на САД, каде што ќе присуствува на годишната Конференција за конзервативна политичка акција, а според владин извор, тој треба да има и обраќање во рамките на настанот.
Трето патување на Мицкоски во Вашингтон, овојпат на конференција за конзервативна политичка акција
Дека премиерот патува за Вашингтон, вчера потврди и владината портпаролка Марија Митева, без да наведе повеќе детали.
Според неа, премиерот за време на посетата на Вашингтон се очекува да има билатерални средби, а за дополнителни информации, како што кажа таа, јавноста ќе биде информирана во текот на наредните денови.
Инаку, ова е трето патување на Христијан Мицкоски за Вашингтон откако стана премиер. Првото патување во Соединетите Американски Држави беше на НАТО-самитот во јули минатата година, а втората посета се случи во јануари годинава, кога премиерот беше во Вашингтон по повод инаугурацијата на претседателот Доналд Трамп.