На средбата, на која присуствувале и министерот за одбрана Владо Мисајловски и началникот на Генералштабот на АРМ, Сашко Лафчиски, се разговарало за продлабочување на институционалната соработка, особено во делот на обуката, размената на искуства и поддршката во изградбата на модерни и ефикасни одбранбени капацитети
Премиерот Христијан Мицкоски рано утринава во Владата остварил средба со командантот на Националната гарда на сојузната држава Вермонт, генерал-мајор Грегори Најт, кој од денеска е во официјална посета на земјава.
На средбата, на која присуствувале и министерот за одбрана Владо Мисајловски и началникот на Генералштабот на АРМ, Сашко Лафчиски, се разговарало за продлабочување на институционалната соработка, особено во делот на обуката, размената на искуства и поддршката во изградбата на модерни и ефикасни одбранбени капацитети.
Командантот на Националната гарда на американската сојузна држава Вермонт, генерал-мајор Грегори Најт, од денеска до 11 декември е во официјална посета на земјава. Во текот на престојот е предвидена средба и со претседателката на државата и командант на вооружените сили, Гордана Сиљановска-Давкова.
Според најавите, тој ќе оствари посета и на Воената академија „Генерал Михаило Апостолски“ во Скопје, каде што се предвидени средби со раководството на Академијата.