Пред состанокот со премиерот во Владата, изјави за медиумите даде и опозицискиот лидер Венко Филипче. Рече дека е внимателен оптимист и дека очекува конструктивна средба
Средба од која сакам да се знае дека одговорност, мудрост и чесност ѝ се повеќе од потребни на Македонија – напиша кусо во објава на Фејсбук премиерот Христијан Мицкоски непосредно пред лидерскиот состанок со претседателот на опозицискиот СДСМ, Венко Филипче. Објавени се и фотографии од почетокот на средбата.
„Средба каде разговараме за актуелните случувања, и од која сакам да се знае дека одговорност, мудрост и чесност ѝ се повеќе од потребни на Македонија!“,
пишува Мицкоски во објавата на Фејсбук.
Пред состанокот со Мицкоски во Владата, изјави за медиумите даде и опозицискиот лидер Филипче. Рече дека е внимателен оптимист и дека очекува конструктивна средба на која, како што кажа, на премиерот подробно ќе му ги образложи темите кои вчера ги нафрли, како и неговото размислување за предлог-решенијата во врска со нив.
Демантираше дека состанокот има етничка димензија како што обвини ДУИ.