Денеска Македонија ги празнува двата светли Илиндена- првиот кој беше крик на поробениот народ, и вториот таа 44-та кој беше продолжение на првиот и кој значеше крунисување на нашата борба за своја Македонска држава, истакна претседателот на ВМРО-ДПМНЕ Христијан Мицкоски, кој денеска присуствуваше на одбележување на празникот 2-ри Август, Илинден во село Ташмаруниште, Струга.
„И секогаш кога ќе се спомене Илинден треба да се има во предвид дека Илинден не е почетокот, туку влегувањето во финишот на една вековна борба за слобода, каде многу генерации херои и хероини ги положија своите животи. Илинден не само Крушевското востание туку многу повеќе од тоа, воскрикот на Македонецот, на секоја педа македонска почва. Илинден е и отпорот и пркоста на Тамшаруништа, жилавоста на битолските и охридските комити и војводи, отпорот на секој слободно мислечки Македонец против тогашната власт која притискала, прогонувала и заробувала“,
потенцираше Мицкоски
Според него, ВМРО е темелот на Илинден, составен дел од таа борба за слобода и му припаѓа на секој Македонец. Вториот Илинден, рече Мицкоски е само продолжение на тоа каде се стигнало со првиот бидејќи партизаните кои го носат пламенот на слободољубието наследен од Илинденците конечно победуваат и ја плаќаат високата цена за денешната слобода.
Гоце Делчев, вели тој е идеологот на таа борба за слобода чија судбина не сакаше да го дочека Илинденското востание но неговото име и чест продолжи да живее.
„Тука се и Даме Груев, Татарчев, Никола Карев, Ѓорче Петров, Христо Узунов, Методиј Патчев, се до Ченто, Пирузе, Панко, Апостолски. Сите се ова македонски синови од кои не смееме и немаме ниту историско право да се одречеме ниту да го посрамотиме нивното дело. Илинден е и потсетник дека не смееме да скршнеме од патот натопен со крв на хероите кои ги положија животите. Илинден е и наша должност кон нашите предци и паметник за тоа како ја добивме слободата која мора постојано да ја браниме. Илинден и последниот здив на комитетите и партизаните кои гинејќи за каузата беа верни на делото Смрт Или Слобода“, .
потенцира претседателот на ВМРО-ДПМНЕ Христијан Мицкоски, кој денеска присуствуваше на одбележување на празникот 2-ри Август, Илинден во село Ташмаруниште, Струга.