Премиерот на Фејсбук информира дека на средбата со шефот на германската дипломатија разговарале и за продлабочување на соработката меѓу двете земји, тековните регионални предизвици и можностите за нови заеднички иницијативи
Премиерот Христијан Мицкоски вечерва имаше средба со германскиот министер за надворешни работи Јохан Вадефул, кој престојува во работна посета на земјава во рамки на турнејата во земјите од Западен Балкан.
За средбата, премиерот информираше на својот фејсбул профил, каде соопшти дека разговарале за тековните регионални предизвици и можностите за заеднички иницијативи.
„Денеска остварив средба со германскиот министер за надворешни работи, Јохан Вадефул. Разговаравме за продлабочување на соработката меѓу двете земји, тековните регионални предизвици и можностите за нови заеднички иницијативи“,
напиша Мицкоски на Фејсбул.
Претходно, средба со Вадефул имаше и министерот за надворешни работи и надворешна политика, Тимчо Муцунски.
Како што соопштија од кабинетот на министерот, на средбата е потенцирана важноста што Германија ѝ ја придава на регионот на Западен Балкан, а особено на нашата држава.
„Посетата претставува јасна потврда за силната германска поддршка на европската перспектива на регионот“,
се вели во соопштнието од МНР.
Муцунски му се заблагодари на Вадефул за континуираната и недвосмислена германска поддршка на евроинтегративниот процес на нашата земја и го информираше за актуелните активности поврзани со европската агенда, реформските процеси, регионалната соработка и добрососедските односи, при што ја потврди силната посветеност на Владата кон спроведување на реформите и напредокот на патот кон членство во Европската унија.