Лидерот на ВМРО-ДПМНЕ ги обвинува Павле Трајанов, Љупчо Георгиевски, Горан Милевски, Маја Морачанин и останатите дека не можат да видат дека тие не поддржуваат Влада во која што мнозински партнер е нивната коалиција, туку поддржуваат Влада на Али Ахмети и ДУИ
ВМРО-ДПМНЕ бара предвремени парламентарни избори бидејќи граѓаните и државата страдаат од лошите политики на власта, овој очаен капацитет на Владата ќе биде уште поочаен, вели опозицискиот лидер Христијан Мицкоски во интервју за Македонско радио.
„Јас не знам дали се свесни пратениците на СДСМ и коалиционите партнери дека во оваа Влада главниот збор не го има ниту СДСМ, ниту тие, туку го има ДУИ. И сега 15 пратеника на ДУИ владеат со 120 и со државата. Не знам како не успеваат да го видат тоа, зарем толку им е важен личниот интерес да државниот интерес и интересот на граѓаните е позади. Како не можат да видат комплетно се развластени од страна на ДУИ, и дека клучните позиции, клучните потези ги прави Али Ахмети“,
вели Мицкоски.
Лидерот на ВМРО-ДПМНЕ ги обвинува Павле Трајанов, Љупчо Георгиевски, Горан Милевски, Маја Морачанин и останатите дека не можат да видат дека тие не поддржуваат Влада во која што мнозински партнер е нивната коалиција, туку поддржуваат Влада на Али Ахмети и ДУИ.
„Колку подолго ја поддржуваат таа Влада, толку повеќе Македонија ќе губи. Затоа што ткивото внатре е разјадено, затоа што системот ни е на колена. Ќе ни требаат можеби години да повторно дојдеме на нулта позиција. Толку ли не разбираат дека државата е во слободен пад. Дека функционирањето на државата како никогаш до сега не е доведена во оваа состојба. Затоа ги повикувам да размислат трезвено, затоа што ова не е Влада во која што тие се мнозински партнер. Ова е Влада во која што тие се развластени, а вистинското мнозинство го имаат 15 пратеника на Али Ахмети и ДУИ. Треба да разберат дека поддржуваат политики на ДУИ, а не политики на СДСМ и нивните коалициони партнери“,
нагласи Мицкоски.