На поддржувачите на СДСМ им порача дека нивната партија станала средиште на бизнис и лични интереси и дека слабиот Социјалдемократски сојуз нема да го направат силен ако гласот го дадат за него. Напротив, како што рече, ќе го легитимираат она што сегашното раководство на СДСМ претставува – збир на интриги и интереси
Лидерот на ВМРО-ДПМНЕ, Христијан Мицкоски, вечерва, од претпоследниот митинг од кампањата за првиот круг од локалните избори повика на масовност на изборите в недела и глас повеќе за коалицијата што ја предводи. Тој директно се обрати на неколку групи гласачи – неопределените, апатичните, поддржувачите на опозицискиот СДСМ, како и гласачите чиј избор се помалите политички партии.
„До неопределените и оние коие сè уште се двоумат – седењето на страна ќе им помогне на оние кои ја сакаат Македонија слаба, понижена, подложна на секакви влијанија, на оние кои сакаат да ја држат државата уценета. До разочараните – апатичноста е најголемиот сојузник на оние кои немаат добри намери кон државата. Не им помајте со седењето дома. Излезете, вашиот глас е одлучувачки“,
изјави Мицкоски.
На поддржувачите на СДСМ им порача дека нивната партија станала средиште на бизнис и лични интереси и дека слабиот Социјалдемократски сојуз нема да го направат силен ако гласот го дадат за него.
„Напротив – ќе го летигитимирате она што сегашното раководство на СДСМ претставува – збир на интриги и интереси. Немате потреба да бидете сламката за спас на личните и политички кариери на ова раководство“,
додаде лидерот на ВМРО-ДПМНЕ.
На поддржувачите на помалите партии им порача:
„Во тој политички спектар има секакви има лукративни и богати елити скриени во руво на левичари кои глумат чесни испосници, а ниту се чесни ниту се испосници. Тие сакаат да ве излажат и измамат.“
Мицкоски уште еднаш повика на масовност на изборите во недела и додаде дека не смее да се дозволи гласовите да завршат кај оние што ја уништиле Македонија или кај партии што немаат сила да победат.