Лидерот на опозицијата смета дека новите мерки кои стапуваат на сила од 16 август дополнително ќе направат поделби меѓу граѓаните
Лидерот на ВМРО-ДПМНЕ Христијан Мицкоски, новите рестритивни мерки кои ќе стапат на сила од 16 август ги нарече квази-мерки кои што не само што нема да го заштитат здравјето на граѓаните туку и дополнително ќе направат поделби меѓу граѓаните.
„Ги слушнав и не можам уште да се изначудам, навистина тоа потсетува на едни минати времиња пред 40 и 50 години кои што светот ги памети, а не само Македонија, бидејќи ваков начин на поделба на граѓаните е незапаметен во модерното човештво. Апсолутно ги отфрлам овие мерки кои што се таканаречени квази-мерки кои што, не само што немаат цел да го заштитат здравјето на граѓаните, туку дополнително да воведат поделба меѓу македонските граѓани. Овие мерки имаат единствена задача, практично да воведат една таканаречена вештачка непримерна контрола, ќе го уништат оној бизнис кој што колку толку започна да функционира, ќе донесат еден вид фрустрација кај граѓаните, посебно оние кои што имаат уставно загарантирано право да изберат дали да се вакцинираат или да не се вакцинираат иако јас лично сум би рекол за имунизација по пат на вакцинацинирање“,
вели Мицкоски, одговарајќи на новинарско прашање денеска во Прилеп за неговиот став во однос на новите ковид-мерки.
Состојбата во моментот според него е последица што касно започна имунизацијата во земјава.