Се работи за двајца пратеници кои се уште се во изолација и кои со посебни возила, со претходен преглед и со дозвола од инфектолог се дојдени во Собранието и во посебни простории ќе гласаат за да има кворум, соопшти денеска координаторот на пратеничката група на СДСМ, Јован Митрески.
Една пратеничка денеска веќе излегла од изолација и таа ќе биде на 32-та седница, како и пратеник кој е со скршеница.
„Се е согласно со законите за сите граѓани, според протокол како и за сите позитивни на коронавирусот. Ќе има посебен пат по кој ќе влезат и посебни кабини каде ќе бидат за време на седницата, кои потоа ќе бидат дезинфицирани“,
рече Митрески, непосредно пред закажаниот почеток на седницата, за која мнозинството не може да обезбеди кворум без пратениците кои се во изолација, а опозицијата не сака да влезе и да учествува.
Тој рече ова не е прв пат да гласаат лица кои се во изолација и го посочи примерот кога се гласаше за избор на Владата.