Таа додаде дека целта на Владата преку овој проект е намалување на дигиталната нееднаквост и поттикнување на дигиталната трансформација во образованието. Мерката, нагласи Митева, ќе продолжи со следење на реализацијата кај овластените трговци и подготовка на нови политики насочени кон модернизација на образовниот систем
Владата, заклучно со вчерашниот ден, доделила вкупно 33 682 ваучери за студенти, секој во вредност од 15 300 денари. Од нив, веќе 11 500 студенти успешно го реализирале ваучерот и подигнале нов електронски уред, информира денеска на прес-конференција, портпаролката на Владата Марија Митева.
„Овие бројки јасно покажуваат дека интересот е огромен, имплементацијата стабилна, а мерката создава вистински резултати. Оваа мерка не е случајна ниту пак импровизирана. Прецизно и навремено испланирнаа од страна на генералниот секретеријат на Владата во блиска соработка со Министерството за дигитализација и Министерството за образование и наука. Оваа институционална координација ни овозможи брза организација на постапките, јасни критеируми за студентите, технички усогласен систем за доделување и реализација на ваучерите и висока транспарентност на процесот“,
посочи Митева.
Таа додаде дека целта на Владата преку овој проект е намалување на дигиталната нееднаквост и поттикнување на дигиталната трансформација во образованието. Мерката, нагласи Митева, ќе продолжи со следење на реализацијата кај овластените трговци и подготовка на нови политики насочени кон модернизација на образовниот систем.
„Владата покажа дека инвестициите во знаење, технологија и млади се наш приоритет, а исполнувањето на ова ветување е доказ дека државата функционира во служба на граѓаните. Ја намалуваме дигиталната нееднаквост и ја поттикуваме дигиталната трансофрмација“,
истакна Митева.
Во врска со прашањето за исплатата на ДДВ на граѓаните или фирмите, дали Владата има пари за тоа, односно зошто доцни исплатата, Митева соопшти дека исплатата се одвива регуларно, а за сите недостатоци или потенцијален застој ќе информираат дополнително.