Земјотресот со јачина од 6,8 степени се случил околу 23 часот по локално време – југозападно од Маракеш
Европската Унија е подготвена да му помогне на Мароко во овие тешки моменти, вели претседателот на Европскиот совет, Шарл Мишел, по катастрофалниот земјотрес во кој загинаа над 600 лица.
„Моите мисли се со сите погодени од оваа трагедија и со спасувачите вклучени во операцијата за пребарување. ЕУ е подготвена да го поддржи Мароко во овие тешки моменти“,
напиша Мишел на „Икс“ (поранешен Твитер).
Terrifying news following the devastating earthquake in #Morocco.
— Charles Michel (@CharlesMichel) September 9, 2023
My thoughts are with all those affected by this tragedy and the rescuers involved in the search operation.
EU stands ready to support Morocco in these difficult moments.
Неговите коментари пристигнаа од индиската престолнина Њу Делхи, каде што учествува на Самитот на Г-20.
Индискиот премиер Нарендра Моди, отворајќи го самитот, им изрази сочувство на сите погодени од земјотресот и им посака брзо закрепнување на повредените.
Земјотресот со јачина од 6,8 степени се случил околу 23 часот по локално време, на длабочина од 71 километар, југозападно од Маракеш.
