Опозицискиот пратеник додаде дека барањето за увид во договорот со „Бехтел и Енка“ е согласно Законот за класифицирани информации. Оттука, вели тој, наместо некој министер да ни го раскажува, бараме увид во договорот оти имаме право на тоа
Говорејќи во оваа насока, Милошоски кажа дека веќе е направен преседан со тоа што увид во договорот им бил овозможен на осум пратеника на ДУИ и двајца на СДСМ велејќи дека тоа се пратениците кои ги поднесоа измените за осум закони по скратена постапка кои се поврзани со изградбата на автопатите. Најмалку двајца од осумте пратеника на ДУИ, како што рече, немаат безбедносен сертификат
За да се закаже комисиска седница во Собранието, пратениците прво мора да го имаат материјалот за седницата, а материјалот во овој случај е договорот со „Бехтел и Енка“ за изградба на автопатите, вели пратеникот на ВМРО-ДПМНЕ, Антонијо Милошоски, откако на денешната координација на собранискиот претседател Талат Џафери со претставници на пратеничките групи беше соопштено дека опозицијата треба да одлучи кога и во која собраниска комисија пратениците со безбедносен сертификат би го виделе договорот со американско-турскиот конзорциум.
Милошоски додава дека барањето на опозициските пратеници за увид во договорот со „Бехтел и Енка“ е согласно Законот за класифицирани информации. Оттука, вели тој, наместо некој министер да ни го раскажува, бараме да ни биде овозможен увид во договорот оти имаме право на тоа.
Говорејќи во оваа насока, Милошоски кажа дека веќе е направен преседан со тоа што увид во договорот им бил овозможен на осум пратеника на ДУИ и двајца на СДСМ, велејќи дека тоа се пратениците кои ги поднесоа измените за осум закони по скратена постапка кои се поврзани со изградбата на автопатите.
„Нашите информации говорат дека овие осум пратеници од ДУИ имале личен увид во договорот. Најмалку двајца од овие осум немаат безбедносен сертификат. И сега, ако можел некој пратеник да има увид во договорот без безбедносен сертификат и да прави предлог за законски измени за осум клучни закони, тогаш можат сите пратеници да го добијат договорот, или во најмала рака оние коишто имаат безбедносен сертификат“,
рече пратеникот Милошоски на денешната прес-конференција во Собранието.
Тој го повтори барањето на опозициските пратеници кои поседуваат безбедносен сертификат да го добијат договорот со „Бехтел и Енка“, а бидејќи се работи за обемен договор, Милошоски побара на пратениците да им се даде рок од најмалку 10 дена за да можат да го разгледаат и анализираат, а дури потоа на затворена комисиска седница да ги искажат забелешките кои ги имаат во врска со него.
„Мора на увид да се има оригиналниот владин договор затоа што само во тој договор постојат клаузулите на кој начин договорот подлежи на анекси и дали има начини да биде репреговаран, укинат или што и да е друго“,
кажа Милошоски.
Како пример за барањата на опозициските пратеници, Милошоски се наврати во 2017 година, кога, како што рече, по барање на пратеници во Комисијата за надворешна политика им бил даден на увид Договорот за добрососедство со Република Бугарија.
Излагањето на Милошоски следува откако по денешната координација на собранискиот спикер Талат Џафери со координаторите на пратеничките групи во Собранието беше соопштено дека опозицијата е таа која треба да одлучи кога и на која комисија ќе биде разгледан договорот со „Бехтел и Енка“.
Деветмина пратеници на ВМРО-ДПМНЕ, кои поседуваат безбедносни сертификати, пред две недели побараа од премиерот Димитар Ковачевски да им го достави класифицираниот договор со „Бехтел и Енка“ за изградба на автопатските делници од коридорите 8 и 10-д.
Владата потоа најави дека нејзини претставници и членови на Комитетот за изградба на коридорите 8 и 10-д ќе ги презентираат документацијата и деталите од договорот, но од ВМРО-ДПМНЕ реагираа дека не може само да им биде презентиран договорот бидејќи оние што поседуваат безбедносен сертификат имаат право на пристап до секој документ со назнака „државна тајна“.