Милошоски не е задоволен од работата на министерот за правда: Има слаби перформанси

Критиката на Милошоски кон Филков доаѓа еден ден откако министерот за здравство и лидер на Алијанса за Албанците, дел од владината коалиција „Вреди“, Арбен Таравари, во интервју за „360 степени“ изјави дека од 100 километри се гледа неусогласеноста на „Вреди“ во владината коалиција

Министерот за правда има слаби перформанси, смета пратеникот од ВМРО-ДПМНЕ Антонијо Милошоски. Оценувајќи ја работата на министерот Игор Филков, кој е од редовите на владиниот партнер на ВМРО-ДПМНЕ партијата ЗНАМ – За Наша Македонија, Милошоски вечерва во Топ тема на Телма телевизија рече дека изнесува свој личен став.

„Ова е мој личен став. Јас сметам дека министерот за правда има слаби перформанси по однос на обврските коишто ги има преземено за реформите во правосудството“,

рече Милошоски, додавајќи дека во оваа област „има навистина слаб придонес од страна на Филков“.

Критиката на Милошоски кон Филков доаѓа еден ден откако министерот за здравство и лидер на Алијанса за Албанците, дел од владината коалиција „Вреди“, Арбен Таравари, во интервју за „360 степени“ изјави дека од 100 километри се гледа неусогласеноста на „Вреди“ во владината коалиција.

Според него, коалицијата функционира „тромо“ и треба да се најде модел за подобра синхронизација.

Таравари: Од 100 километри се гледа неусогласеноста на ВЛЕН во Владата

Тој исто така рече дека има контакти со ДУИ и дека такви контакти имале и лидерите на другите партии од „Вреди“.

Таравари: Имаме канали на комуникација со ДУИ, но имаат и другите партии од ВЛЕН

Тие денеска ги демантираа наводите на Таравари.

Немаме никаква комуникација со ДУИ – тројца од партнерите во ВЛЕН го негираат Таравари